Nangandam na ang probinsiyal nga kagamhanan sa Lanao del Sur ug lokal nga kagamhanan sa Marawi City kun ugaling tinood ang gitawag nga second wave sa COVID-19.
Kini pinaagi sa pag-andam og usa ka temporary quarantine facility sa may Barangay Emi Punud sa Marawi City.
Matud pa ni Zia Alonto Adiong, tigpamaba sa Inter-Agency Task Force COVID-19 sa Lanao del Sur, ang nasangpit nga pasilidad usa ka housing village alang unta sa mga empleyado sa provincial government.
Dunay 46 ka mga units ang gi-andam nga temporary quarantine facility nga kumpleto sa tubig ug adunay kuryente.
Kumpleto na usab ang nasangpit nga compound sa koral ug adunay sanitation tent sa entrance.
Dumalahon kini sa Integrated Provincial Health Office sa Lanao del Sur. (Divina M. Suson, Marawi City, April 13)
