Ni-arangkada na karong buntaga ang usaka high-level security briefing sa hawanan sa Senado sa Pilipinas aron hisgotan ang nagkadaiyang implikasyones sa hulga sa atong nasudnong kahusay ug kalinaw.
Nasayran nga nangabot na ang mga senador ug mga kadagkuan sa Armed Forces of the Philippines (AFP) ug Philippine National Police (PNP), cabinet officials ug uban pang mga opisyales sa Duterte administration.
Nag-una sa mga high-level topics mao ang martial law extension nga gipangayo sa palasyo sa Malacañang, alleged human rights abuses ingon man ang mga economic scenarios sa 2018.
Sunod nga security briefing karong adlawa tambongan sa mga miyembro sa camara baja.
Ugmang adlawa usab ipahigayon ang usa ka Joint Session sa Lower House kuyog sa Senado aron pormal na nga tuki-on ang gikasugyot nga pagpalugway pa sa Martial Law sa habagatan gumikan sa nagpadayong hulga dala sa terorismo, krimen ug rebelyon sa Mindanao ug kanait nga mga lugar.
RadyoMaN June Duterte
