TACLOBAN CITY – Ginpusil an usa nga security guard han diri pa makilal-an nga mga suspek ha Calbayog City, Samar kakulop, July 30.
Ginkilala an biktima nga hu Gil Diaz, 57 anyos, may asawa, taga Brgy. Rawis, Laoang, Northern Samar.
Sumala han mga kapulisan, natabo an insidente ha corner Cajurao ngan Pajarito Streets han Brgy. Balud alas 8:25 han aga.
Nagawas ha imbistigasyon nga an biktima in sakay han motorsiklo nga gindadrayban ni Cesar Boran, tigda nala humarani an mga suspek nga sakay gihapon han motorsiklo ngan ginpusil hi Diaz.
Naigo hi Diaz ha talikuran. Nadara hiya ha hospital ngan yana nagpapatambal.
Kumalagiw an mga suspek matapos an insidente.
Narikober han mga kapulisan an .45 nga pistol.
Nagpapadayon an imbistigasyon han mga ototidad.
