Kalibo, Aklan — Sa Kalibo PNP umabot rong pag ilinaway it daywa ka mga security guard nga naka duty sa sangka construction site sa Brgy. Bakhaw Sur, Kalibo, Aklan kabii.
Sa blotter report it Kalibo PNP nga nag reklamo rong security guard nga si alyas “Totoy” matapos nga ginli-ab it anang kaibahan nga si alyas “Anton”.
Sa imbestigasyon naga guwa nga kabii rayang si Anton hay off duty ag nagbisita ro anang asawa sa andang barracks. Bangud nga sang beses malang naga adto ro anang asawa hay syempre nahidlaw ag uhaw man si Anton. Uwa mapunggan ko mag-asawa nga mangalipay, nagsueod sanda sa sangka kwarto ag natigayon ro kalipay.
Si alyas Totoy hay duty sa oras ngato, syempre para sa pag check ag for security reasons imaw nag roving hasta nga pati sueod it barracks ana gin check. Nangawa imaw nga rong kwarto ngato dati suno kana hay permi bukas ag kabii sarado, ana nga ginkatok ag uwa it nagsabat pero may nahabatian imaw nga naga ugayong, ana gid nga ginbuksan ag sa pag flash light na naaktuhan na gid nga naga sampaw rong mag-asaw ag sige andar ko jack hammer ni Anton.
Dikato naakig si Anton kay Totoy, uwa eon lang dayon sanda magpadayon ko anang asawa.
Umpisa kato nag ininum si Anton bangud nga naakig gid imaw it duro kay Totoy ay nabitin.
Ana nga ginpaguwa si Totoy sa barracks ay kon indi mag guwa ana hambaringon it bato rason nga napilitan eon lang raya nga mag guwa ag sa anang pag guwa dikato imaw liniab.
Sa makaron hay padayon pa ro imbestigasyon it Kalibo PNP angot sa rayang hitabo ag kon may una nga maga pasaka it kaso kay Anton bangud nga nagtuga raya it alarm and scandal matapos nga imaw mag wala kabii.
(c) web photo
