Kalibo, Aklan — Uwa eon it kabuhi kat masapwan ro sangka security guard it Aklan Catholic College annex building sa Andagao, Kalibo, Aklan kahapon it agahon.
Ro biktima nakilaea nga si Albert Agoy 43-anyos native it Calinga, Apayao ag residente it Barangay Nalook, Kalibo, Aklan.
Base sa anang kaibahan nga security guard nga si Angel Francisco, ana kunta ginapukaw si Agoy agud mag bueos kana pero uwa ta raya naga sabat sa sueod it Grade I room.
Gin pilit eon lang nana nga buksan rong pwertahan agod nga makasueod.
Sa imbestigasyon it SOCO-Aklan ag base sa pag examine ko Municipal Helth Officer it Kalibo nga si Dr. M. Dela Cruz, naga guwa nga natural death ginkamatay it nasambit nga gwardiya. Uwa man it nakita nga lastro sa eawas ro biktima.
(c) Mdrrmo Kalibo
