Malampusong nasikop sa operatiba sa City Drug Enforcement Unit kon CDEU ang usa ka security guard kagahapon sa hapon tungod sa pagpayuhot sa iligal nga druga. Kini atol sa ilang gilusad nga anti-illegal drug buy bust operation diha sa Zone 8, Brgy. Bulua ning syudad.
Naila ang dinakpan nga 58 anyos nga si Bob Lago, minyo ug head guard sa Ayala property sa nasangpit nga dapit. Lumolpyo kini sa Zone 1, Brgy. Bayabas ning syudad.
Nasayran nga napalitan sa usa ka sachet sa gituhoang shabu ang suspek balor 500 pesos kung maoy hinungdan sa pagka-aresto ni-ini.
Atol sa pagkapkap narecover gikan sa posisyon ni-ini ang duha pa ka sachet sa gituhoang shabu, lighter, kwarta nga moabot sa 1, 200 pesos. Lakip nga narecover sa posisyon ni-ini ang 500 pesos nga ginamit isip buy bust money.
Gibana-banang moabot sa 1 gram ang timbang sa mga nakumpiskang kontrabando nga mokabat sa 6, 800 ang street value ni-ini.
Gidala gilayon sa mga operatiba ang maong suspek ug temporaryong gikustodiya sa Maharlika Detention Cell samtang gihikay na ang mga rekisitos sa pagpasang-at og kaso nga atubangon ni Lago sa korte.
Kasama mo sa CDEU, Radyoman Andy Coco, DXCC Tatak RMN!
