Davao City – Kinahanglan i-report sa komunidad ngadto otoridad ang kakulangon sa seguridad sa ilang mga lugar ug dili lang mga nagapanghitabong insidente.
Kini ang gibatbat ni Police Regional Office kun PRO XI Chief Inspector Jason Baria subay sa mga mulo sa katawhan sa Tagum nga dili na matud pa safe ang lugar gumikan sa mga reports nga dunay mga drivers sa single motorisklo nga nagapangbiktima ug ginasulayan og lugos.
Sumala ni Baria, ila kining lantawon ug tawgon usab ang atensyon sa mga personahe sa Davao del Norte.
Kagabii, usa na usab ka report ang gisaysay sa usa ka residente sa Tagum kinsa siya mitabang nga makalingkawas ang babaeng nagkurog-kurog sa kahadlok kinsa ginapugos og pasakay sa usa ka single motorsiklo sa may dalan sa Pilot Elementary School.
Kahinumduman nga ubay-ubay na ang mga reports nga gikalambigitan sa mga single motorcycle drivers nga alegasyong nagapangbiktima og mga babae gani ang uban ginasulayan pa og lugos apan maayo nalang kay nakalingkawas.
Subay niini, tambag sa Tagum PNP ngadto sa komunidad nga i-report ug makig alayon sa otoridad bahin sa susamang mga insidente gani gidiskurahe nila ang pagtuo sa mga reports nga gipost sa social media gumikan adunay uban nga yaga-yaga lang ug dili tinuod.
RadyoMaN Renz Barbarona
