Davao City – Hitsas na ang kapulisan San Pedro ug Sta. Ana alang sa hugot nga security measures nga ipatuman sa Semana Santa.
Matud ni Police Major Jack Tilcag Station Commander San Pedro Police Station human nahinabi sa DXDC RMN Davao.
Segun ni Tilcag, estriktong ipatuman ang safety ug health protocols, 50% porsyento lamang ang gitugotan nga makasulod sa simbahan, pagmuntar ug police assistance desk ug ipatuman ang ‘one entrance one exit policy’ sa matag simbahan.
Segun ni Tilcag, napulo ka police ang i-deploy sa mga dagkong simbahan ,samtang unom lamang kauban ang police auxiliary sa mga gagmay’ng simbahan.
Subling nagpahinumdom si Tilcag nga gidili ang pagdala sa mga mahait nga butang, backpack, pagsuot og jacket, eye glass ug kalo.
Nagpahimangno si Tilcag sa tanan Davaoeño nga mutoman sa social distancing, pagsuot sa face mask, face shield aron malikay sa COVID-19.
RadyoMan Don Pulayao
