Davao City – Gibalhog sa selda sa kapolisan sa lungsod sa Pantukan usa ka security guard nga nanghasi alas 8:50 ang takna sa gabie dinhi sa Prk.9 Sitio Kawayan Brgy.Magnaga Pantukan Compostela Valley.
Suspek nailhan sa pangalang Alexander Rivera, 49 anyos, security guard sa Musahamat Farm Incorporated ug residente sa nahisgutang lugar.
Sumala sa report nga nahipos gikan Pantukan Police Station nasayran nga nanghasi ang suspek samtang bitbit ang usa ka .45 nga pistola samtang nagpahigayon og intellenge monitoring ang mga sakop sa 71st Kaibigan Philippine Army sa nahisgutang lugar.
Sa dihang gipangitaan og dokumento ang suspek wala kini napakita ngadto sa mga owtoridad rason nga gitugyan ngadto sa buhatan sa kapulisan ang suspek.
Kasamtangang giandam na ang kasong pagsupak sa R.A 10591 ug pagsupak sa Omnibus Code sa Comelec.
RadyoMaN Jules Catisay
