ILOILO City – Gin-athag ni Retired Col. Felix Muchada ang security officer sang Iloilo City hall nga tuman ka hugot ang ginapatuman nga security protocol sa city hall.
Subong man, gin-ako sini nga kon Lunes nga adlaw nga nagadinaguso ang madamo nga mga empleyado sang city hall, indi tanan ila mapang-tsekyar.
Ini ang pahayag ni Muchada matapos ginakuwestyon karon ang seguridad sa city hall kasunod sang pagka-aresto sa duha ka close-in body guards ni councilor Plaridel Nava kag nakuhaan sang mga armas luthang.
Ginpahayag ni Muchada nga bangud sa natabu, iya man imbestigahan ang mga security guards kon paano nga nalutsan ini sang mga armas sang body guards sang konsehal.
Kon makita nga may kapaltahan ang mga guwardiya, iya ini pagahatagan sang nagakaigo nga sanction.
Samtang ginhatagan pagtamod ni Muchada nga may deposit box sila nga butangan sang mga armas sang mga nagasulod sa city hall.
Photo via IMT
