Davao City- Ugmang adlawa na ang kick-off ceremony alang sa mga personahe nga mobantay sa seguridad sa 6th anniversary sa Association Of Southeast Asian Nation (ASEAN) Boy Scout Jamboree karong Nobyembre 27 hangtod Disyembre 2 sa Energy Park, Apokon, Tagum City, Davao del Norte.
Gisulti ni PSupt Julius Borja Deputy Provincial Director For Operations (DPDO) sa Davao Del Norte Provincial Police Office nga lauman nga aduna nay mga delegado ang moabot dinhi sa rehiyon ugmang adlawa.
Busa intensified ang ilang seguridad dili lang mismo sa Tagum apan lakip na sa airports ug uban pang mga areas.
Gibutyag ni Borja nga di muubos sa dos mil ka mga kapulisan ug kasundaluhan ang gipangtahasan para sa maong aktibidad.
Anaa sa 29mil ka mga delegado ug mga bisita gikan sa mga ASEAN member countries lakip na mga delegado gikan India, South Korea ug Eurasian countries ang kumpirmadong mosalmot sa jamboree.
Adunay ipangmuntar nga mga police assistance desks sa area aron modawat sa mga concerns sa mga partisipante.
RadyoMan Aimee Guinita
