Sa interview sa DXDC RMN Davao kang DCOTT Manager Aisa Usop, gibutyag niya nga kagahapong adlawa, September 27, 2023 nagkatapok ang tibuok punla sa security guards, tasks force ug kapulisan aron mahisgutan kung paunsa han-ayon o ipatuman ang maong plano aron nga mas mapahugtan pa ang kahapsay ug kalinaw sa nasangpit nga terminal.
Dugang pa niya nga siya malipayon tungod kay wala na’y namatikdan pang dagko nga mga krimen sa DCOTT tungod usab sa kooperasyon sa mga otoridad ug uban pang ahensya pinaagi sa pagpahimangno sa mga pasahero nga kanunay magbinantayon ug mamahimong pulis sa ilang kaugalingon.
Pahinumdom sab ni Usop nga naa sa kamot sa katawhan kung paunsa makab-ot ang kalinaw ug kalambuan sa dakbayan maong ginaawhag niya ang publiko nga magpakabana ug kung aduna ma’y mga makit-ang hulga sama sa bomb threat, gilayong muduol ug musumbong dayon sa ilaha.
“Ang atoa lang gyung hangyo sa katawhan nga ang atoang Davao City is malinawon gyud no. Paningkamutan nga kita mga Muslim, mga Lumad, mga Bisaya magkahiusa alang sa kahapsay ug kalinaw sa atong syudad. So dapat ipakita pud nato ang suporta nato sa atoang LGU Davao,” segun ni Usop.
RadyoMaN Ivy Parido
