Seguridad mas gipahugtan sa DCOTT, gilauman ang pagdagsa mga pasahero sugod ugmang adlawa

Davao City – Hugot nga seguridad ang ipatuman sa Davao City Overland Transport Terminal (DCOTT) og sugod ugmang adlawa Oktubre 27,2023 gilauman ang pagdagsa sa mga pasahero nga mouli sa mga probinsya aron mobisita sa mga menteryo sa kalag-kalag Nobyembre 1 og moboto karong Barangay and Sangunggiang Kabataan Election (BSKE) 2023 Oktubre 30, ning tuiga.

Sa interview sa DXDC RMN Davao kang Aisa Usop, DCOTT Head gibutyag niini nga adunay augmentation nga motabang sa pagbantay ang mga personahe sa Public Safety and Security Command Office (PSSCO) Civil Security Unit (CSU) Task Force Davao og Ecoland Police Station.

Segun ni Usop,gi-istriktohan usab ang pagbantay sa entrance sa terminal og pag inspection sa mga bagahe sa baggage nga i-agi sa extreme machine, aron pagseguro nga luwas ang mga pasahero ug walay makasulod nga mga kontrabando sa syudad sa Davao.

Giawhag usab ni Usop, ang mga pasahero nga mosunod sa mga palisiya, og adunay mga ginadili usab nga dalahun sama sa mahait nga mga hinagiban og endangered species of plant and animals kung magdala kinahanglan og clearance gikan sa Department of Environment and Natural Resources DENR or sa Bureau of Fisheries and Aquatic Resources (BFAR).

RadyoMaN Don Pulayao.