Sumala ni Major Mark Anthony Tito, 10ID spokesperson, hugot ang ginapatumang seguridad sa militar aron malikayan ang mga violence kun kagubot nga musangpot pa sa maduguong insidente.
Importante alang kang Tito nga adunay culture of security ang mga barangay ug ang komunidad aron kung aduna man silay mga mamatikdang kakulian ireport dayon nila kini sa awtoridad.
Usa gayod sa mga gitutukan sa kasundaluhan sa pagpalig-on sa seguridad sa mga ancestral domain tungod kay exploitable ug vulnerable ang mga Indigenous People.
Gisaysay ni Tito, nga base sa pagtulun-an nga pito sa napulo ka mga New People’s Army mga sakop sa IPs nga gipang-recruit.
Busa padayon ang ilahang IP-centric approach sa pagmentenar sa kahusay ug kalinaw diha sa mga yutang kabilin.
Subay niini adunay nakatutok ug gatabang nga mga sundalo sa hot pursuit operation
sa mga suspek sa pagpamusil patay sa mga opisyales sa Brgy. Baganihan nga sila Kagawad Joel Daguinsal Siawan ug Datu Ernesto Linog Matalam, Indigenous People Mandatory Representative (IPMR).
RadyoMaN Aimee Guinita
