Davao City- Nagpahigayon karong adlawa og conference ang Tagum BSP local council silbing pagpangandam na sa taliabot nga ika 6th anibersaryo sa Association Of Southeast Asian Nation (ASEAN) Boy Scout Jamboree.
Sumala ni Davao Del Norte Provincial Police Office Director Pssupt Alan Manibog nga hitsas na ang seguridad para sa maong dakong aktibidad ug aron maseguro nga walay mahitabong insidente ug magmalinawon kini.
Matud ni Manibog nga dili muubos sa 1500 ka mga kapulisan ug kasundaluhan mobantay sa seguridad sa ASEAN jamboree.
Lauman nga anaa sa 25, 000 ka mga delegado gikan sa 10 ASEAN member countries lakip na mga delegado gikan India, South Korea ug Eurasian countries ang muapil sa ASEAN jamboree nga karong Nobyembre 27 hangtod Disyembre 2 sa Energy Park, Apokon, Tagum City, Davao Del Norte.
RadyoMan Aimee Guinita
