Davao City – Andam na ang kapulisan sa paghatag og seguridad sa umaabot nga Brigada Eskwela karong May 20-24, 2019.
Sa pakighinabi sa DXDC RMN Davao kang Davao City Police Office (DCPO) director Police Senior Superintendent Alexander Tagum, gibutyag niini nga nakahan-ay na ang programa sa DCPO dili lamang sa paghatag og seguridad lakip na usab ang pagsalmot sa pag-andam sa mga school facilities alang sa umaabot nga pag-abri sa klase.
“We will be contributing sa Brigada Eskwela para sa pag recover ug pagpa gwapo sa atong mga school facilities nga apilan sa atong mga police-community relations officer sa tanang area of responsibility sa police stations 1 to 12,” tataw ni Tagum.
Dugang pa ni Tagum nga nakipag-alayon na sila sa mga school authorities sa ilang security deployment palibot sa eskwelahan ingon man pakig-alayon sa traffic management aron masigurong walay traffic ug luwas ang mga kabataan sa pagsugod usab sa eskwela.
RadyoMaN Kirby Manzon
