Davao City – Andam na matud pa ang kapolisan alang sa pagbantay sa umaabot nga Certificate of Candidacy (CoC) filing didto sa Commission on Elections (COMELEC) sa may Magsaysay Park ning siyudad sa Davao.
Sa gihimong pakighinabi sa DXDC Davao News Team ngadto kang Police Chief Inspector Michael Uyanguren, Station Commander sa Sta. Ana PNP, hugot usab ipatuman ang security measure sa buhatan sa COMELEC karong adlaw’ng Huwebes, petsa 11 hangtod sa petsa 17 alang sa mga buot nga magfile sa ilang CoC kun magpapiling opisyal sa panggamhanan.
Sumala ni Uyanguren nga makig-alayon usab ang Tourist Police, Sta. Ana PNP ug mga sakop sa Police Auxillary nga sila maoy gitahasan sa pagbantay sa maong designated area.
Giingon ni Uyangren nga magpahigayon ang kapolisan og inspeksyon sa mga tao nga muadto sa COMELEC apil na ang mga kandidato nga mofile sa ilang COC aron sa pagsiguro nga walay makasulod nga dautang tawo nga magdala og kontrabando ingon man sa pagmugna og kasamok atol sa adlaw sa COC filing.
RadyoMaN Don Pulayao
DXDC 621 RMN Davao
