Davao City – Dili tugutan sa Davao City Police Office nga makaporma ang komunistang pundok nga makahunat sa ilang giplanong nationwide coordinated tactical offensive nga parte.
sa Red October plot aron taktakon sa pwesto Presidente Rodrigo Duterte.
Gibatbat ni DCPO City Director Senior Supirentent Alexander Tagum nga ang kapulisan ug tanang security forces naka-full control sa seguridad sa dakbayan sa Davao.
Sobra doble ang gipakatag ni Tagum nga mga kapulisan aron magmentenar sa kalinaw sa lungsod ug gipakusgan pa sa DCPO ang paggwardiya sa mga hilit nga police stations nga target sa kalaban.
Hangyo niini sa katawhan nga dili mahadlok o mag-panic kalabot sa gikatahong Red October tungod kay nagpabiling anaa sa pinakataas nga alert status ang kapulisan sa syudad.
Ning bag-uhay ra gisapubliko sa Armadong Kusog pinaagi ni AFP Assistant Deputy Chief for Operations, Brig/Gen. Antonio Parlade ang ilang nakumpiskang dokumento gikan sa CPP-NPA.
Base sa na-decode nga impormasyon nga mukasa ang mga rebelde og:
‘Supermarket’ – Ilang target-on ang mga PNP stations ug AFP detachments aron ilugon ang mga armas.
‘Casino’ – sparrow operations nga target ang military assets ug intelligence.
‘Bulldozer’ – Sulungon ang mga mining corporations, dabdaban ang mga proyekto sa gobyerno.
‘Tabasco’ – target niiini ang mga suspected tokhang agents ug suspek sa giingong extra-judicial killings.
ug ‘Hades’ – Diin ilang target-on ang mga personalidad sa gobyerno nga adunay may ‘utang nga dugo sa kilusan’ sukad pa sa panahon ni kanhi pangulo nga karon House Speaker Gloria Macapagal-Arroyo.
RadyoMaN Aimee Guinita
