Giawhag sa Davao City Police Office (DCPO) ang mga media personalities sa Davao City nga mudangop dayon sa ilang buhatan kung ugaling aduna’y hulga nga madawat diha sa ilang pagpanarbaho.
Sa pakighinabi sa DXDC RMN Davao kang DCPO Spokesperson Police Captain Hazel Tuazon, gibutyag niyang andam silang muhatag og tabang sa tanang media nga nanerbisyo og tarong aron masibya ang kamatuoran.
Dugang pa nga kung makasinati ug pagpangabuso ug aduna na’y hulga ang usa ka magsisibya, dili kini baliwalaon aron dayong maaksyonan sa pinakaduol nga police station.
Gipaklaro usab ni Tuazon nga andam sila nga muhatag og seguridad sa mga media personalities apan angayang muagi usa sa saktong proseso ang pag-request niini.
Kahinumdoman nga usa ka radio broadcaster sa Calamba, Misamis Occidental nga si Juan Jumalon ang gipusil-patay samtang nagaprograma niadtong Dominggo, November 5, 2023.
RadyoMaN Ivy Parido
Facebook Comments
