Davao City – Gilaumang motaas ang election related violence niining piniliay sa Barangay ug Sangguniang Kabataan (SK) sa Mayo 14 ning tuiga.
Sumala ni Ateneo de Davao University (ADDU) Prof. Airnel Abarra, kinahanglan ang Commission on Election (COMELEC), kapolisan ug Local Government Units (LGUs) pakusgan ang pagpatuman sa mga balaud sa election aron malikayan ang kasamok sa piniliay.
Usa sa gisugyot ni Prof. Abarra, aron malikayan ang kagubot sa piniliay sa barangay ug SK kinahanglan ang mga nagsupervise sa election dili moduty sa mga lugar nga dunay paryente sa mga kandidato.
Gidugang pa ni Abarra, pahugtan usab ang implementasyon sa gun ban ug uban pang mga palisiya panahon sa election aron maangkon ang hapsay ug malinawon nga piniliay.
RadyoMaN Bernard Pantallon
