Davao City – Dul-an dos mil ka mga triathathletes gikan sa 38 ka mga nasud lakip na mga celebrities ang giekspektar nga mangabot dinhi sa Davao City alang sa Ironman 70.3 Davao nga ipahigayon karong Marso 25, adlawng Dominggo.
Sa interbyu sa RMN Davao kang Police Regional Office XI Spokesperson PCI Milgrace Driz sa pag-abot pa lamang sa bisita dinhi sa dakbayan hangtod sa adlaw sa lumba magpatuman na gyod og heightened security.
Daghang kapulisan uban ang laing pang mga law enforcement agencies ang magbantay sa airport, hotels ug sa ruta nga agian sa mga triathletes.
Gipahimangnuan ni Driz ang mga motorista nga musubay sa ipatumang rerouting scheme tungod kay adunay ipatumang full road closure gikan sa Azuela Cove sa may cor. R. Castillo St., Agdao padulong na ngadto sa Robinsons Place sa Tagum.
RadyoMaN Aimee Guinita
