Davao City- Giinspeksyon sa Coast Guard District Southeastern Mindanao (CGDSEM) ang mga beach resorts kung nituman kini sa mga safety protocols.
Sumala ni Commodore Rejard Marfe, CGDSEM Commander, gipaniguro nila nga luwas ang mga tawo kansang nagbakasyon karong long weekend.
Naghimangno kini sa mga beach resorts owners nga kinahanglang adunay mga lifeguards nga nakabantay ug mga life saving devices.
Alang sa mga guests, gipahimangnuan kining dili maligo og dagat kung nakainom o naginusara.
Kinahanglan usab nga ubanan ang mga gagmayng bata ug dili pasagdan nga walay gabantay samtang gasalom sa dagat.
Gitinguha ni Marfe ang zero maritime incidents sa Undas 2023.
Sa Oplan Biyaheng Ayos Undas report sa Coast Guard anaa sa 598 ang mga inbound passengers samtang 302 ang outbound passengers.
RadyoMaN Aimee Guinita
Facebook Comments
