Seguridad sa mga dagkong kalihukan sa Valencia City all set na

33

All set na ang pagahimoon nga security measures sa Valencia City Police Station subay sa umaabot nga dagkong kalihukan sa siyudad.

Sa interview sa RMN Malaybalay ngadto kang PSupt. Ritchie Yandog, ang hepe sa Valencia City PNP gibutyag niini nga karong Christmas season mas gipahugtan pa nila ang gihimong pagbantay sa palibot ilabina nga sa Disyembre 12 adunay himoon nga pagbukas sa kalihukan sa Charter day sa siyudad dungan sa opening sa pinakadakong mall sa Bukidnon.

Matud niini nga nakapahigayon na sila ug panagtigum sa city peace and order council aron mahisgutan ang ipatuman nga security plan.

Sigun ni Yandog nga magpatuman usba sila ug mobile checkpoint sa mga nag-unang kadalanan sa mao nga dapit.

Lauman matud pa nga adunay kausaban sa ilang ipatuman nga seguridad ilabina ang mobile ug foot patrol.

Nangayo usab sa pagsabot ang opisyal ngadto sa publiko mu-agi sa checkpoint dungan sa pag-ingon nga tumong niini dili lamang sa convenience sa publiko kon dili apil na ang kinatibuk-ang seguridad sa mao nga dakbayan.

Nakatakda usab sila ug dry run aron ilang makita ang dagan sa trapiko ug aduna usay mga re-routing scheme nga himoon aron masayran nila kung adunay bay adjustment ug kausaban sa ilang security plan.

Facebook Comments