Davao City – Gipahugtan ang seguridad sa mga eskwelahan, malls, park ug mga public places sa area of responsibility (AOR) sa Sta. Ana Police Station.
Sa interview sa DXDC RMN Davao kang PLT. Col Ronald Lao, Station Commander sa Sta. Ana Police Station gibutyag niini, gipakusgan usab ang police visibility og pagpatrolya sa kapulisan sa ilang (AOR).
Segun ni Lao, nag-assign sila og pulis sa mga public market aron pagseguro nga hugot mabantayan sa mga awtoridad og dili malutsan sa mga dautang tawo.
Nagpahimangno si Lao ngadto sa mga Dabawenyo, kung adunay mamatikdan nga kaduhang lihok sa tawo o adunay nakita nga unattended baggages, daling i-report sa kapulisan aron masusi og ma-aksyonan kini.
Kahinumduman niadtong adlaw’ng Biyernes September 8, 2023 nakadawat og hulgang pagpamomba ang Metro Rail Transit Line 3 MRT-3 nga gipadala pinaagi sa e-mail.
RadyoMaN Don Pulayao
Facebook Comments
