Davao City – Gipahimangnuan karon sa Police Regional Office XI ang mga ginikanan nga mag-igmat ug bantayan gayod ang ilang mga anak batok sa mga kidnappers o uban pang mga dautang elemento nga musiaw karong ting abli sa klase.
Gibutyag ni PRO XI Spokesperson PCI Milgrace Driz walay mga reported incidents sa child kidnapping sa Davao Region pero angay nga dili magkumpyansa ang tanan ug magpabiling alerto ug sa mga bata dili gayod muuban sa mga estranghero.
Sumala sa tigpabama nagpabiling taas ilang alerto ug hugot nga magpatuman sila og hugot sa mga seguridad sa mga eskwelahan aron masegurong luwas ang mga estudyante.
Sa pagkakaron padayon ang mga kapulisan sa pagtunol og serbisyo atol sa nagpadayong Brigada Eskwela.
Panawagan ni Driz sa tanang estudyante nga dili magdala og mga mahalon nga mga alahas, ipabantang ang mga gadgets nga maoy punterya sa mga kawatan.
Magmuntar usab og mga police assistance desks ang mga kapulisan gawas sa mga tunghaan aron nga daling marespondehan ang mga concerns sa mga katawhan.
RadyoMaN Aimee Guinita
