Davao City – Gipaniguro sa kapulisan sa Kiblawan nga walay mapagan nga mga sibilyan atol sa nagpadayong hot pursuit operations batok sa mga sakop sa B’laan Bandits.
Sa interbyu sa DXDC Davao kang Kiblawan Municipal Police Station Chief of Police PSI Erich Von Requilman gihugtan nila ang seguridad sa Bulolso, Kiblawan, Davao del Sur tungod sa presensya sa mga bandido sa maong lugar.
Intensified ang gihimong operasyon sa mga awtoridad aron masikop ang mga wanted nga mga lider sa B’laan Bandits nga sila Renante Ante alyas Manon ug Eddie Tayok kinsa adunay mga kasong Double Murder ug Double Frustrated murder ug ang maong grupo adunay kasong cattle rustling.
Kahinumduman niadtong Sabado gibanhigan ang patrol car sa kapulisan atol sa ilang pagresponde sa report sa mga residente.
Gibutyag ni Requilman nga anaa sa 15 ngadto sa 20 ka mga suspek ang padayon nilang gigukod karon kinsa ilang nakaengkwentro niadtong Sabado.
Nanawagan ang hepe sa mga residente nga magdoble igmat ug i-report dayon kanila kung manghasi na usab ang maong mga bandido.
RadyoMaN Aimee Guinita
