CAUAYAN CITY — UPANG MAPIGILAN ANG POSIBLENG PAGPASOK NG MGA KONTRABANDO AT ILEGAL NA KALAKAL, MAGPAPATUPAD NG MAS MAHIGPIT NA SEGURIDAD ANG PAMAHALAANG LUNGSOD NG CAUAYAN SA MGA SORTING FACILITIES NG ONLINE SHOPPING DELIVERIES AT CARGO TRUCKS NA DUMADAAN SA LUNGSOD.
AYON KAY MAYOR CAESAR S. DY, JR., ANG MABILIS NA PAG-USBONG NG E-COMMERCE AY NAGDUDULOT HINDI LAMANG NG KAGINHAWAAN KUNDI NG PANIBAGONG HAMON SA SEGURIDAD.
BILANG TUGON, PLANO NG CITY GOVERNMENT NA MAGTALAGA NG KARAGDAGANG PUWERSA, KABILANG ANG K9 UNITS AT SNIFFING DOGS, UPANG MASURI ANG MGA PACKAGES SA MGA SORTING CENTERS.
ITO AY PANSAMANTALANG HAKBANG HABANG HINDI PA NAIPUPUNDAR ANG MGA X-RAY MACHINES NA MAS MAKAPAGBIBIGAY NG DETALYADONG INSPEKSIYON SA LAMAN NG MGA PADALA.
DAGDAG PA RITO, IPATUTUPAD ANG MAS ISTRIKTONG KOORDINASYON SA PAGITAN NG MGA LOKAL NA AWTORIDAD, CARGO COMPANIES, AT ONLINE SHOPPING PLATFORMS UPANG MASIGURO ANG KALIGTASAN NG KOMUNIDAD LABAN SA BANTA NG SMUGGLING AT IBA PANG ILEGAL NA AKTIBIDAD.
ITINUTURING NA MAHALAGA ANG INISYATIBONG ITO LALO NA’T PATULOY NA TUMATAAS ANG DAMI NG ONLINE TRANSACTIONS SA LUNGSOD, NA NAGRERESULTA RIN SA PAGDAMI NG MGA DUMARAANG PARCELS AT CARGO TRUCKS ARAW-ARAW.
