Sa interview sa DXDC RMN Davao kang Police Captain Ronnie Batingal,Deputy Chief sa Ecoland Police Station gisulti niya, andam na ang kapulisan ug aduna nay mga personahe niini nga i-destino aron magbantay sa mga aktibidad sa Agro Football Field, Ecoland, Brgy.76-A ning dakbayan sa Davao.
Segun sa opisyal, motabang usab ang mga sakop sa Police Auxiliary, Civil Service Unit (CSU), Central 911 ug City Disaster Risk Reduction Management Office (CDRRMO).
Nahinabi usab sa DXDC News Team si Hadji Asraf Canal Cabugatan, Imam sa Majid Taqwa mosque sa Mini Forest, Quezon Boulevard, Brgy. 23-C, Davao City gisulti niya, ang pagtapus sa Ramadan magdepende sa pagpakita sa buwan o subang.
Segun ni Cabugatan, kung magpakita na ang buwan magsugod na usab ang edl’ fitr ug magpahigayon gihapon og mga pag-ampo sa mga dagkong mosque, Agro Football Field, Ecoland, Brgy.76-A ug Roxas Avenue, Davao City.
“Mag-ampo lang mi sa tanan nga ginahimo nila nga panalangin sa Allah nga dawat na gyud sa kabilang Buhay”,sulti Cabugatan.
RadyoMaN Don Pulayao
