Sa interbyu sa DXDC RMN Davao kang Police Colonel Alberto Lupaz, DCPO Director, gibutyag niini nga una makapahigayon og rally ang politiko dinhi sa syudad, ilaha unang i-comply ang guidelines gikan sa Commission on Elections (COMELEC) sama sa pagbaton og permit alang niini.
“Kung naa silay mga pagtugot gikan sa COMELEC, so automatically ang atong mga kapulisan mo-provide gyud og security ani nila habang naga-conduct sila og mga political rally,” sulti ni Lupaz.
Gipahinumdom usab sa police official ang pagsunod sa minimum public health standards batok Coronavirus Disease 2019 (COVID-19) sa mga mopartisipar sa maong aktibidad ug sa tanang Davaoeños.
Niadtong Pebrero 8, 2022 nagsugod ang campaign period sa mga national candidates samtang sa Marso 25, 2022 usab magsugod ang pagpangampanya sa mga lokal nga kandidato alang sa 2022 Elections.
RadyoMaN Kirby Manzon
