General Santos City–Nagpadugang na ug pwersa ang Polomolok PNP ngadto sa South Cotabato Provincial headquarters ug sa PNP Regional Office-12 kansa mutabang sa pagbantay sa seguridad dungan sa kasaulugan sa Flomolok Festival nga gisaulog sa lungsod.
Una nang gikumperma ni Police Chief Inspector Alex Joe Orcajada, Hepe sa Polomolok PNP nga sa karon hugtanong seguridad na ang ilang gipatuman sa tibuok lungsod human sa nahitabong pagpamomba sa Isulan, Sultan Kudarat.
Tumong niini aron nga dili malutsan sa mga dautang elementong nga buot maghimo ug gubot sa ilang lugar.
Aminado si PCI Orcajada nga sila sa kapulisan naalarma usab sa nahitabong pagbusikad sa Isulan.
Bisag layo ang Isulan sa Polomolok, dapat sumala pa ipatuman gyud ang hugtanong siguridad aron nga sila dili malutsan ug makilayan nga mahitabo sa ilang lugar ang nahitabo sa Isulan.
