Davao City – Mas gipalig-on pa sa security sector ang seguridad sa Roxas Night Market subay sa plano niining pag-abli karong bulana.
Gihinumdum karong adlawa ang ika-4 ka tuig nga anibersaryo sa 2016 Roxas Night Market bombing nga nikalas og 15 ka mga kinabuhi ug 70 ang samdan sa maong terroristic attack nga hinimoan sa mga Maute Group.
Sumala ni Davao City Police Office (DCPO) City Director Police Kirby John Kraft gi-improbar nila ug mas gipakusgan pa, ang mga security measures sa area aron masigurong walay makalusot nga mga dautang elemento ug luwas ang katawhan sa pagbalik operasyon niini. Sa pag-abli sa night market adunay mga designated parking areas, partikular na ang mga motorsiklo.
“ Kailan i-secure natin lahat ng papasok ay safe pagdating sa loob at pag-i-enforce natin sa basic health protocol natin sasabihan naman ang vendors i-aano nga ng one day seminar para alam nila kung ano ang gaganap pero of couse mayroon tayong roving na security sa loob. Iyong pulis natin at Task Force Davao ready naman iyan always,” sumala ni Kraft.
I-required usab nga hubuon kadali ang mga face masks alang sa facial recognition apan subay gihapon sa health protocols. Estriktong ipatuman ang ‘No Backpack Policy,’ transparent water containers lang, ang pwede sa sulod sa night market ug No Jacket Policy.
Gibutyag ni Kraft, adunay mga roving personnel nga mo-check kung nasunod ba ang mga minimul health protocols kontra COVID-19. Una pa man ablihan ang Roxas Night Market ipailawom og seminar ang mga vendors.
RadyoMaN Aimee Guinita
