Davao City – Gumikan kay kanselado na ang mga aktibidad sa mga dagkung simbahang Katoliko dinhi sa syudad sa Davao atol sa pagsaulog sa Semana Santa, nakahatag kini karon og kamingaw sa dakbayan ug kabalaka diha sa katawhan dala sa hulga sa COVID-9.
Bisan pa man niana, on full alert status gihapon ang atong mga tinugyanan sa balaud dinhi sa dakbayan.
Sa interview sa DXDC RMN Davao kang Capt.Rosario Aguilar, Spokeperson sa Davao City Police Office, nasayran nga naka-full alert status gihapon ang mga personahe sa DCPO ilabi na diha sa mas gipa-istriktong pagpatuman sa Enhanced Community Quarantine kun ECQ.
Matud ni Aguilar, mas hugot nga seguridad ang gipatuman ngadto sa ilang tagsa-tagsa ka mga A.O.R gani adunay 46 ka mga control points gipang-montar gikan sa unang distrito ngadto sa ikatulong distrito ning dakbayan.
Alang kang Aguilar, ang Semana Santa dili lamang sa sulod sa simbahan ma-selebrar, kun dili mao kini ang panahon sa pagyukbo,pagpamalandong sa mga pulong sa Diyos, pagpangayo’g pasaylo sa mga kasaypanan nga nabuhat nato ngadto sa Labawng Makagagahum.
RadyoMaN Don Pulayao
