Gibutyag ni PSSO Head Angel Sumagaysay, karon palang ila nang gipangandaman ang security measures nga ipatuman sa semana santa sa Abril ning tuiga. Matud ni Sumagaysay, daghan na sa mga simbahan karon ang nagrequest og deployment sa security personnel aron maghatag og seguridad sa pagahimoon nga kalihokan sa Lenten season.
Gikanayon sa opisyal, dunay igong gidaghanon sa security personnel ang syudad sanglit nagdugang og augmentation ang 10th Infantry Division Philippine Army aron motabang sa paghatag og seguridad sa mga Dabawenyo sa balaang semana.
Usa sa gitutokan karon sa PSSO ug security cluster ang simultaneous exercises aron mahitsas sa kahibalo sa pangseguridad ang mga awtoridad.
Gidasig sa opisyal, ang mga Dabawenyo nga magpakabana usab sa ilang palibot ug gilayon moreport sa mga awtoridad kung aduna silay mamatikdang dili kaila nga mga tawo sa ilang dapit aron gilayong masanta ang ilang dinautang plano batok sa mga panimalay ug indibidwal atol sa lenten season.
RadyoMan Joel Viray
