Davao City – Plastado na ang security measures sa Davao City alang sa umaabot nga semana santa.
Sa gihimong AFP PNP presser karong adlawa, segun ni Police Captain Ma. Teresita Gaspan, spokesperson sa Davao City Police Office kun DCPO nga maximum deployment ang ipakatag nga mga personahe sa syudad karong holy week sa mga places of convergence ilabi na sa mga simbahan asa sagad ipahigayon ang mga aktibidad subay sa semana santa.
Gani nagpahinumdom usab kini sa publiko ilabi na ngadto sa mga mubiya og balay nga siguruhong luwas gikan sa mga kawatan ang mga kabtangan gumikan matud sa tigpamaba nga sa latest update bahin sa pagpangawat, misaka ang ihap sa mga kaso niini sa dakbayan.
Gawas sa DCPO, alerto ug andam usab ang mga personahe sa 10th Infantry Division Philippine Army ingon man ang Task Force Davao nga mamahimong hapsay ang semana santa karong tuiga.
Samtang ang Land Transportation Office kun LTO XI nagbutyag nga ikasa usab nila ang Oplan Semana Santa diin sutaon niini ang mga Public Utility Vehicles kun PUVs sa mga terminal og misubay ba kini sa tukmang sumbanan aron makabyahe ug aron usab masiguro ang kaluwasan sa mga pasahero.
RadyoMaN Renz Barbarona
