Davao City – Gipangandaman na sa Philippine National Police kun PNP ang seguridad sa State of the Nation Address kun SONA ni President Rodrigo Duterte nga ipahigayon karong Hulyo 23, 2018.
Sumala ni PNP spokesperson Benigno Durana Jr. atol sa interview sa tulumanong Straight to the Point nga adunay silay coordination meeting karong adlawa aron maplastar ang seguridad sa 3RD SONA sa pangulo.
Dugang ni Durana nga ilang studyohan ug hisgutan ang pagbantay sa seguridad ug mapabiling hapsay ang maong aktibidad gikan sa sinugdanan hangtod sa paghuman niini.
Samtang gibutyag ni Presidential spokesperson Atty. Harry Roque nga dili matud pa musobra sa 35 ka minuto ang speech sa pamuno-nasud ug giingong “straight from the heart” ang madunggan sa katawhan atol sa ikatulong SONA niini.
RadyoMaN Renz Barbarona
