Pagadian City – Hugot nga seguridad ang gipatuman sa kapulisan sa syudad sa Pagadian aron masanta og dili malutsan sa mga gropu nga nagplanong mosabwag og kagubot..
Sa interview sa DXPR Pagadian kang PSupt. Alvin Saguban, ang hepe sa kapulisan ning syudad gumikan sa pagbuto sa Isulan, Sultan Kudarat kagabii nga gikamatay sa duha ka indibidwal ug gika-angol sa 35 katawo ilang gipalapdan ang pagpatuman sa Oplan Sita, mga checkpoints ug ilabina sa intelligence gathering.
Nanawagan ang hepe sa mga dumudu-ong nga magma-igmat sa kanunay aron dili mabiktima sa mga naglanong paka-ulawan ang kapulisan.
Kun mahinumduman ang tibook rehiyon sa Mindanao gipa-ilalom sa martial law nga matapos karong bulana ning kasamtangan nga tuig.
Angay sayran nga gimaduan ni PNP chief Dir. Gen. Oscar Albayalde ang tanang regional police directors sa tibook Mindanao nga isaka sa alert level sa full alert status ang ilang areas of responsibilities.
Sa gihimong imbestigasyon bisan gi-angkon sa international terrorists nga ISIS nga sila ang responsable naglusad gihapon sa makuti nga pagsuta ang otoridad.
