Seguridad sa Valentine’s Day gisiguro

18

Davao City – Magpatuman karong adlawa, Pebrero 14, 2020 ang Davao City Police Office (DCPO) og deployment sa kapulisan labi na gyud sa mga lugar asa dagsa ang katawhan alang sa pag selebrar karong adlawa sa Valentine’s Day.

Sa interbyu sa DXDC RMN Davao kang Police Captain Rosario Aguilar, Spokesperson sa DCPO, gi-awhag niini ang publiko nga dili lang usab mudungan sa dagsa sa katawhan.


Samtang, nagpahimangno ang opisyal sa mga nanag-iya sa mga establisemento labi na sa mga Inn nga i-monitor ang mga menor de edad ug did-an sa pagsulod ang nahisgutan sa maong mga gambalay.

“So naa na ang social responsibility sa mga tag-iya anang mga ing-ana nga lugar. Sila karon ang mo-check kung kato ba angay pasudlon o dili. Pero ang minor dapat dili gyud sila pasudlon,” segun ni Aguilar.

Samtang mamahimo usab nga magbaton og numero sa otoridad aron nga makapanawag ug maka-report kung adunay mga ‘untoward incidents’ sa usa ka lugar.

RadyoMaN Kirby Manzon

Facebook Comments