ILOILO City – Ginhatagan pagtamod ni Mayor Jose Espinosa III nga prioridad sang city government ang seguridad sang publiko sa nagahilapit nga dinagyang festival.
Suno kay Espinosa nga indi malipod nga bilang isa ka world class event, ginalauman ang pagdagsa sang linibo nga mga turista, lokal man ukon mga dumuloong agud magsaksi sa highlight sang kasadyahan kag ati-ati tribes competition.
Bangud sini, ginapanugyan sang alkalde sa mga hotels sa siyudad nga kilalahon sang maayo ang ila mga guests ilabi na ang mga makaduluda ang hulag.
Nahibaluan nga masobra 2 mil ka mga pulis ang iga-deploy sa palibot sang siyudad agud magbantay sa dinagyang.
Magluwas sa mga judging areas kag mga kiosko hugot man nga pagapabantayan sang alkalde ang mga lugar nga mahimo pugaran sang pila ka drug personalities nga luyag magpamentaha sa selebrasyon sang dinagyang festival. /// via Sonny Punay
Photo from web
