Davao City – Gidayeg sa mga mibisita sa syudad sa Davao ang seguridad nga ginapatuman dinhi sa dakbayan.
Sa pakighinabi sa DXDC RMN Davao kang John Carlo Cavalida, taga Manila nga mibisita dinhi sa syudad kauban ang iyang girlfriend, gisaysay niini nga ilang nabati ang seguridad nga gipatuman sa otoridad diin gidayeg usab niini ang pagkamatinabangon sa mga Davaoeños ingon man ang ka limpyo sa lugar.
“Safe na safe. Sabi ng gf ko matulingin daw yung mga tao sa Davao, tapos malinis hind katulad sa Maynila na madaming kalat, sidewalk vendor at snatcher.”
Gani, giganahan usab ang nahisgutan sa mga baratong pagkaon sa Roxas night market ingon man mga souvenirs nga ilang mapalit ug mapasalubong sa ilang mga mahal sa kinabuhi pabalik sa ilang lugar.
Nasayran nga gawas sa mga bisita gikan sa kauluhan, daghan usab ang mga langyaw nga nagabisita sa syudad labi na sa selebrasyon sama sa Araw ng Davao nga gisaulog karong panahona.
RadyoMaN Kirby Manzon
