Sa interview sa DXDC RMN Davao kang Police Captain Ruel Dionela, Deputy Chief sa San Pedro Police Station, subay sa ilang monitoring wala pay mga nakalapas o nadakpan nga nagabaligya og mga pabuto.
Segun ni Dionela, karong Disyembre 24 sa gabii, hugot ang monitoring sa kapulisan diin lakip nang i-monitor ang magpabuto og pusil aron walay ma-igo sa saag nga bala.
Sa laing interview, gibutyag ni PLT Col. Ronald Lao, Station Commander sa Sta. Ana Police Station nga hugot ang monitoring sa ilang area of responsibility ug lakip nga gitahasang magmonitor ang mga intelligence personnel karong kapaskohan.
“Pahimangno nato sa katawhan bawal ang pabuto, dakpon nato na sila unya mapriso gyud na sila og dugay. Kung naa mo mahibal-an, sulti lang mo. Kanang ipalit og pabuto, ipalit nalang na og pagkaon sa atong pamilya,” sulti ni Lao.
RadyoMaN Don Pulayao
