Sekretong pagkuha og picture gilangtaw nga motibo sa pagpusil patay sa lalaking nagbaktas

Davao City – Away ang gilantaw sa Ecoland Police Station nga motibo sa pagpusil patay sa lalaking nailang Aurel Joy Baucan, 41 anyos, samtang ang suspect mao si Budz Derek Keesey Dela Cruz, 40 anyos, taga Cortina St., Davao Executive Homes, Matina, Davao City, samtang ang biktima igo lang nagbaklay sa maong lugar kagahapon adlawa alas 9:32 sa buntag Nobyembre 2, 2023.

Sa pakighinabi sa DXDC RMN Davao kang Police Captain Napoleon Sabes, Deputy Chief sa Ecoland Police Station gibutyag niini, nigawas sa inbestigasyon nga ginakuhaan og hulagway o picture sa biktima ang suspect nga miresulta sa panaglalis og gipusil ang biktima.

Segun ni Sabes, karong adlawa Nobyembre 3, 2023 ipasaka sa kapulisan sa Ecoland ang kasong murder ug kalapasan sa gun ban sa omnibus electrion code batok sa suspect.

“Sa karong atong ginaprepare ang atong mga ibedensya aron mapasaka ang kaso sa maong suspect sa kasong murder og kalapasan sa gun ban”,sulti ni Sabes.

Nahinabi usab sa DXDC RMN Davao, ang uyoan sa biktima nga pulis nga di lang magpaila gisulti niya, boutan ang iyang pag-umangkon og walay kontra niini ug wala siya magdahum sa kalit nga kamatayon sa usa nila ka membro sa pamilya diin hustisya usab ang ilang singgit.

Gisuwayan usab sa pakighinabi ang suspetsado, apan midumili kini paghatag og pamahayag.

RadyoMaN Don Pulayao