ALANGILAN, Bacolod City – Gintiro patay ang isa ka security guard sang gin-alegar riding-in-tandem sa Purok 5, Buro-buro, Barangay Alangilan, syudad sang Bacolod subong gid lamang nga gab-i, Marso 26.
Suno kay Police Capt. Romulo Gepilanggo IV, ginkilala ang biktima sa kay Rolando Herdon Jr., 43-anyos, pumuluyo sang Sitio Balugo, Brgy. Concepcion, Talisay City.
Suno sa panaysayon sang asawa ni Rolando nga si Jing, Enero 3 sining tuig sang gintiro man ang iya bana sang riding-in-tandem sa likod sang Redemptorist church apang nakaluwas ini.
Nagapati si Jing nga posible ang paghikot sang iya bana sa ginaawayan nga duta ang motibo sang pagpatay.
Pila naman ka basiyo sang .45 nga armas luthang ang narekober sang otoridad sa crime scene.
Si Herdon ang naga-ubra bilang gwardiya sa Riverside Medical Center. /rcsg
