Davao City – Pagpanimalos ang motibo sa pagpusil sa usa ka gwardiya nga naila sa pangalang Rudy Dela Cerna Tanggo Jr., 21 anyos, residente sa Sitio Banarao, Talandang, Tugbok District siyudad sa Davao.
Subay sa imbestigasyon sa Sta. Ana Police niadtong milabayng semana nagkalalis ang uyoan sa biktima ug ang suspek.
Kahinumdoman gipusil si Tanggo alas 12:00 kagabie didto sa Artiaga Extention, Brgy 37-D ning dakbayan.
Ang suspek nga mipusil sa biktima giila nga si Vincent Menina, 26 anyos nga taga Sta. Maria, Davao Occidental.
Narekober sa crime scene ang usa ka .38 revolver, mga bala ug usa ka cellphone.
Ang biktima nakaangkon og samad igo sa dughan, sa liog ug sa walang bukton resulta sa iyang hinanaling kamatayon samtang ang kapolisan sa presinto uno naglusad na og manhunt operation aron madakpan ang mipusil sa biktima.
RadyoMan Don Pulayao
