Davao City – Gi-endorso sa Talomo PNP ang usa ka security guard nga si Jerome Alejandro Miranda, 18-anyos, taga Agusan del Sur, human kini nasayran nga hubog samtang nagdala-dala sa iyang armas de fuego.
Base sa report, bandang alas-2:00 kaganihang kaadlawon adunay nagreport ngadto sa mga otoridad gikan sa usa ka rescue volunteer group mahitungod sa maong gwardiya.
Gani gilayon gilusad ang Oplan Kapkap Bakal Sita batok sa maong gwardiya ug nakuha ang .38 nga revolver.
Sa pagsukit-sukit sa dinakpan nasayran nga nagabantay kini sa usa ka pribadong musoleo ug naghulat matud pa sa iyang ka relyebo.
Sa kasamtangn gi endorso na una sa Talomo PNP ang security guard ug gikustodiya na usab sa maong buhatan ang armas nga nasayrang walay sulod nga bala.
RadyoMaN Paul Canono
