Davao City – Daling gidala sa Southern Philippines Medical Center ang usa ka sekyu aron matambalan ang iyang nahiaguman nga samad dinunggaban sa likod ug sa liog nga bahin.
Ang biktima nga si Rolito De Dios, 39 anyos, minyo, nagpuyo sa Purok 9-B sa Barangay Tigatto, Buhangin District giluba sa suspek nga si Wilson Perquis, 30 anyos, ug residente ra usab sa mao nga dapit.
Giingong nagpundo sa tindahan si De Dios dihang kalit kini gidunggab ni Perquis sa likod nga bahin mao nga wala kini makabantay sa pag-atake sa suspek alas 2:30 kagahapon sa hapon sa mao nga lugar.
Igo ang biktima sa likod ug liog diin nakahimo pa sa pagdagan si De Dios aron dili hingpit mapatay sa suspek ug niadtong tungura tayming sab nagpatrolya sa lugar si PO1 Pugosa mao nadala sa SPMC ang biktima.
Hangtud karon blangko pa ang Buhangin Pnp sa pinaka-rason ngano buot patyon sa suspek ang sekyu ug naglusad na karon og manhunt operation ang kapulisan aron dakpon si Perquis human kini nakasibat human sa hitabo.
RadyoMaN Joel Viray
