Davao city- Patay ang usa ka sekyu human nagpusil sa kaugalingon alas 9:45 ganinang buntag.
Tulo ka bala nga miigo sa ulo ang mipatay kang Osmar Sanita, 34 anyos, nga taga Upper Catitipan, Barangay Communal, Buhangin Davao City.
Igo na lang naabtan sa inahan nga si Mariafe Sanita ang biktima nga naligo na sa kaugalingon dugo samtang nagbuy-od ug wala nay kinabuhi sulod sa ilang panimay.
Nasayran nga nakasinati og depression ang biktima ug naadmit kini sa Mental hospital sulod sa upat ka adlaw.
Suma sa inahan nga misuway na kini og hikog sa makaduha ka higayon sa miaging tuig ug naglaslas sa pulso niadtong unang semana sa Sityembre karong tuiga apan nasanta ang biktima.
Migula sa imbestigasyon PO1 Diofel Pacate sa Buhangin Pnp nga nagsugod ang depresyon dihang nag-abroad ang iyang kapuyo nga si Joveline Abdon resulta sa ilang panagbulag.
Ang patay’ng lawas sa biktima gidala na sa Saint Peter Funeral Parlor Panacan ning dakbayan.
RadyoMan Joel Viray
