Davao City – Nahulog gikan sa ikaduhang andana ang usa ka security guard sa usa ka daku ug iladong mall alas 6:50 sa kadlawon sa milabay’ng adlaw sa may Quimpo Boulevard ning syudad sa Davao.
Sa record sa Talomo PNP, ang biktima naila nga si Cahilog Temple Timoteo Jr., residente sa may Purok 1-A Bolton dike ning siyudad.
Sumala pa nga atol sa duty sa biktima, iyang gisubay ang usa ka area sa ginaconsctruct nga establishmento ngadto sa ikaduhang andana diin sa iyang pag-inspeksyon kalit nahugmak ang atop nga iyang gitamakan rason sa pagkahulog niini ngadto sa ground floor.
Naka angkon og pipila ka mga samad ug bun-og sa kalawasan ang naasoy ug dali kining gidala sa pinaka duol nga balay-tambalanan kinsa padayun pang gina-monitor sa mga doktor.
Naghimo na og occular inspection ang kapolisan lakip ang management sa maong mall aron masuta kun unsa nga klase sa materiyales ang gigamit ug nganong nahulog ang gwardiya aron dili na mausab ang maong insidente.
RadyoMaN Paul Canono
