Davao City – Nagpakitabang sa San Pedro PNP ang usa ka security guard sa dihang sumala pa gitabangan siya og kulata sa duha ka mga lalaki.
Complainant naila nga si Joven Cortez Fayo, 31 anyos ug residente sa may Villamor St. B.Obrero ug usa ka security guard sa usa ka establisiemento sa may Jacinto ext. ning syudad.
Respondents naila usab nga sila si Ven Angheo Cuspuejo ug si John Rey Kkam, pulos hamtung ang pangidaron ug duha residente sa may Jacinto Ext.
Sumala sa record sa San Pedro PNP nga gibadlong sa sekyu ang duha ka mga nag inom atbang sa usa ka call center sa may Jacinto Ext. tungod hugot kini gidili sa ilang kumpanya apan nasuko matud pa ang duha ug gitabangan og kulata ang sekyu.
Sa mao nga insidente wala sab kuno maka pugong ang complainant ug nahulbot kuno niya ang iyang service fire arm hinungdan nga nanagan ang mga tawo sa lugar ug nanawag na ang usa sa mga concerned citizens og police assistance sa nasangpit nga istasyon.
Gidala ang complainant sa Southern Philippines Medical Center (SPMC) aron sa iyang medical certificate samtang temporaryong gi-kustodiya ang mga respondents sa San Pedro PNP.
RadyoMaN Paul Canono
