Balay tambalan ang gidangatan sa usa ka sekyu human kini aksidenteng nabuthan sa iyang gidala-dalang service firearms.
Nahitabo kini niadtong adlawng sabado sa may 2:10PM didto sa may Sitio River Side, Brgy. Pob. Sakop sa lungsod sa Siayan ning probinsya sa Zamboanga del norte.
Sa nahipos nga impormasyon sa kapulisan ang biktima mao si Rodrigo Siasico y Magallanes, 38 anyos, nagtrabho kini isip sekyu sa Globe Tower konektado kini siya sa Dasia Security Agency, nagpuyo sa may Sitio Dagao, Brgy. Pob. Siayan.
Matod pa nga mibiya kini sa iyang panimalay aron mo adto sa may brgy. Polayo para sa iyang trabaho sa nahisgutan nga Globe Tower.
Matod pa ni PO2 Armando L. Pelayo Jr, Paghidangat niini sa may Sitio Riverside mihapit kini sa UCCP church aron sa pagkuha sa iyang asawa, samtang iyang gipaabot ang iyang kapikas na nahulog ang iyang sling bag nga gisudlan sa iyang armas de fuego nga kalibre 38 ug aksidente kini mibuto maayong pagkaigo sa iyang walang tuhod. Dali kining gidala sa balay tambalan alang sa hinanaling medikasyon.
Ang maong sekyu nga si Rodrigo padayon pa ang iyang pagpaalim sa samad nga naaigo sa iyang kaugalingon armas.
