Human nga nakadawat ug reklamo ang RMN-DXDR mahitungod sa dugay nga paghatag sa sweldo sa sekyu sa Mutia NHS gikan pa niadtong Oktubre 2017.
Mipadayag ug kasubo si Isabelo Calasang ug ang asawa niini nga si Eden Calasang tungod kay dugay gihatag ang sweldo sa Principal sa Mutia National High School.
Kung kahinumduman, dugay na nga mga katuigan nagserbisyo isip Sekyu sa maong tulunghaan si Isabelo gani duha na ka principal ang miagi apan nagpabilin gihapon siya sa iyang trabaho isip sekyu.
Human nga migawas ang maong reklamo padayon usab ang pakigkutay sa principal sa maong tulunghaan ngadto kang Ranulfo Arcos aron kuhaan ug pamahayag may kalabot sa maong reklamo apan hangtod karon wala pa gihapon kini mitubag.
Saysay pa sa reklamante, hapit na mag lima na ka bulan ang ilang sweldo nga wala pa gihapon na release.
Rason sa maong Principal wala matod pa’y allotment mao nga nadugay ang pag sweldo niini.
Apan ning bag-ohay lang gihatag na ang usa ka bulan nga sweldo para sa bulan sa Enero ug nagpabilin pa gihapon ang bulan sa Oktubre – Desyembre ug Pebrero.
Kini tungod kay anaa matod pa ang nahabilin nga sweldo sa Department of Education butyag pa ni principal Ranulfo Arcos.
Giangkon usab sa Division Accountant pinaagi ni SDS Pedro Melchor Natividad, dinhi sa atong probinsya nga tinuod ang sweldo sa J.O sa Mutia NHS ilawon kini sa Deped Order nga ang nahabilin nga sweldo kuhaon kini sa MOOE apan nadugay kini tungod kay hinay usab ang paghatag sa liquidation report sa maong tulunghaan hinuon gipaniguro sa Deped Division nga sa pinaka dali nga panahaon mahatag na ang sweldo sa hingtungdan kung makompleto na sa pagsubmiter sa liquidation para sa tuig 2017.
